Computer Iten

Computer iten ?

Web Blogging Mr.Abisaya Gamanga

                                           (Charles Babbage)

Computer iten anten aglambin asan purban ayamlingan.Butin batte snabjan deli do nami ayamlingan yamgam computer yerraitin do antin aglambin asan snaisai daku.

kara logi sora school sinjani aglambin snaisai.Ordan lingan bo bhuhang dakuli anin ahiman dakuli Abbcus anin batte derga derga kani organ lingan computer snabjan deli  do 2000 salon ayamlingan a tiki china dessa lingan among danisam computer snajan deli.Do nami janang dessa balen danisam potta batte sanna terder potha sabjale purban ayamlingan Abbcus abo danisam jantro sabjaitin.

Bar akid Nepier raod  a buhang janang tiki ayamlingan sclolander batte john Nepier 1617 salon ayamlingan Nepier raod ahimlingan aboi danisam jantro machine sabjaitin.Bar akid 1641 salon ayamlingan anko bish gamlen aboi machin dakuli.Do bleg pascel; passline machine sabjaitin do.Tine lingan janang Danti choko ghurai gamle aboi machine sabjaitin.

Passcaline picture

Analytical engine –Gamle aboi machine dakuli france dessa lingan English  bernan batti . Charles Barres  1833-1834 salon ayamlingan  bapso chalito machine do analytical machine sabjaitin .Anin batti Leddy adda aghusta biron Analytical ‘Computer janak do adda aghusta biron among Program gamle tihimametin.Do Leddy Agutsha biron English idolmar gamle lard biron adangrion  onan batti sabjaleji.

                                (Analytically Engine) 

Pachchard machine-Bar akid kani atiki 1880 salon ayamlingan horman elirith gamble boi tonang dakuli anin aboi kambolan chiti apaitabin ati aboi anin machine sabjaitin antin batti saring  derga derga bara sanle.

Harvard mark one  1941 salon ayamlingan Harvard college lingan aboi secretary dakuli IBM company gamle aboi computer snabjan deli.Do bar akid ayainti ahim Harvard Mark one gamle taniyim deli.Bar akid kan machine electronic  mechanical  dakuli bar akid derga derga bigra bigra  anteng machine snabjan deli do.Antin ayamlingan computer boi boi suda dom dakuli.

                                    ( IBM Machine)

Antin saring anteng valbo adakuling asan kani machine chalei le dakulanji do corrent toggi batti snayam deli.Bar akid antin a machine  a tiki ayam  hanetin a tiki asui kanalkalingn deli dirga dirga hanetin.Bar akid  dirge dirga ayur logi snabjan deli.Bar akid 1949 salon ayamlingan  John Von new man gamle aboi  bhuhang dakuli do program sabjaitin antin saring Tragically  batti derga derga snabjan deli.

Bar akid antin atiki Tragically valve batti corrent khorcha taniyan deli machine a kanakalan adei’o. Kani American dessan lingan  3 Boigyaniko  Bardin ,Bratein ,Shaklenko , gamle anin ji dakuli do kan aninji dessan lingan saring puroskar taniyan deli.

Bar akid 1948  salon ayamlingan Tragically gamle Taniyiman deli.computer snabjan mar derga derga manarangan deli.Antin ayamlingan Jack Kilobi silicon gamle patho upore Tragically corrent batti ajudile a bolgobleji  kuni machine agan.anten jatinji berga berga Tragically machine a bolgoleji antin saring machine gan name sikoija hatin.

                                                         (Pascaline Machine )

Bar akid kan anin Ic gamle Integrated  sotik do silicon chips gamleji do silicon chips do chips asabjanbin asan Santa clara vally gamle  gamle taniyiman deli.Bar akid  aboi silicon chips alanka lingan lokya   lokya  begra begra derna batti Tragically snabjan deli.Do 1971 salon ayamlingan  anlen Micro  Processor batti   hanle raptilabin.Computer kani micro processor handra man deli do kani ayamlingan jannang boi boi ganalam aduraitin .

Do nami   ayamlingan loptop , do mobile computer anteng machine do Jontro boigyanikonji sabjale yerraiji antin asan anini boi boi asinbanji 

Boi Boi Sintabin...........................